Ausflüge 2018
22.9.2018 Solex & Töffli Treffen Diavolo Koppigen
Mir si am Träffe drbi gsi zu Gunsten Jason Haller, es het gfägt!
25.8.2018 Solex & Töffli Treffen Gohl/Emmental
Im Ämmitau isches wieder sehr stinkig hin und her gange. Solex Club Ämmitau hei ihres grossä Träffä gha und mir si natürläch drbi gsi.
2.4.2018 Töffli & Solex Meet ACE Café Luzern
Di nöii Saison het ändlech agfange, ganz viu Töffli u Solex- Verruckti hei sech im ACE Café Luzärn troffe. Ds Wätter het mitgmacht u mir hei es paar vo üsne nöie Kreatione chönne präsentiere.
21.7.2018 RedBull Alpenbrevet 2018
Es isch wieder sowit gsi, das berüämtä Alpenbrevet organisiert vo RedBull isch iz o scho verbi. 1200 Töfflibuebe- und Meitli si am Start gsi und hei gemeinsam die 3 Bärgpäss erklummä.
Da gsehsch üse Clip
7.7.2018 beim 3. Töffli-GP Mittelland
Am Samstig morgä simer mit 7 Töffli in Fulebach a Start gange. Mir si vom Tom warmhärzig i Empfang gno worde. D'Rundi dürs Mittuland isch so geil gsi, dass üsä "Scumi" am Tele M1 vor d'Linsä düüüset isch.
1.7.2018 Dorffest-Wengi
Musiggesellschaft us Wengi het es hammer Wucheend organisiert mit Märit, Musig und Töfflitreffe. Rund 140 Töffli si am erste Treffe debi gsi und mir hei de Usflug dörfe miterlebe
5.5.2018 zu Besuch beim Solex Uele
Mir si spontan zum Solex Uele gfahre, hei zwar no grad chli müesse sueche, aber hei dr Uele no gfunde gha i sim Riiiich.
Für so ä One Man Show, bietet Uele di geilsti Party i sire "Bude".
Fürs gmüet hets meh aus gnue Bier und Mineral ghä und si ungerhaute worde vo Live-Bands.
28.4.2018 Kolbefrässer Grosswangen Töffliträff 1. Takt
Samstig Morgä in Sursee, simer de am 9i itroffä u si vo de Kolbefrässer ohni "N" in Empfang gno worde. Pünktläch um 14.10h simer de um dä wunderschön Sempachersee gfahrä im Convoi mit ca. 300 Töffli oder meh.
14.4.2018 Scooterama Frühlingsausstellung
Mir hei üs, wie jedes Jahr, ufe Wäg gmacht nacht Herzogenbuchsee zu de Scooterama. Üsi Fahrt isch de hammer gsi, vo Iffwil nach Aefligen när direkt nach Luterbach bis hi zu de Scooterama. Danke aunä wo si derbi gsi.